Нэг. Нийтлэг үндэслэл
1.1 Энэхүү журам нь БНХАУ, ОХУ, Дотоод аялалд оролцогч бүх аялагч дагаж мөрдөх зааварчилгаа юм.
1.2 Аяллын зохион байгуулалтын бүрэн эрх аяллын ахлагчид болон хөтчид харьяалагдана.
1.3 Аялагч нь Монгол Улсын болон аялаж буй улсын хууль, дүрмийг дагаж мөрдөх үүрэгтэй.
Хоёр. Аялалд гарахаас өмнөх бэлтгэл
2.1 Паспорт: Хугацаа нь аяллын дуусах өдрөөс хойш наад зах нь 6 сараас доошгүй байна.
2.2 Бичиг баримт: Зөрчилгүй байх, Иргэний бүртгэлд хандаж шалгуулсан байх.
2.3 Эрүүл мэнд: Маршрутын онцлогт тохирсон биеийн бэлтгэлтэй байх. Ойр зуурын эмээ өөрөө бэлдэж авч явах.
2.4 Хилээр авч гарах эмийн зөвшөөрөл: Хувийн хэрэглээний эмийг хилээр гаргахдаа тухайн улсын гаалийн журмаар зөвшөөрөгдсөн эсэхийг урьдчилан судална.
Гурав. Бичиг баримт
3.1 Гадаад паспорт, бичиг баримтны бүрэн бүтэн, үнэн зөв байдлыг аялагч өөрөө хариуцах үүрэгтэй.
3.2 18 нас хүрээгүй аялагч нь заавал эцэг эх, асран хамгаалагчтайгаа цуг явах бөгөөд төрсний гэрчилгээг авч явна.
Дөрөв. Хил гааль
4.1 Хориотой эд зүйлсийг хилээр авч гарах, оруулахыг хориглоно.
4.2 Гаалийн хяналт өндөр тул үндэслэлгүй маргаан, дүрэм зөрчих үйлдэл гаргахгүй байх.
Тав. Нислэгтэй аяллын журам
5.1 Нислэгээс 2-3 цагийн өмнө нисэх онгоцны буудалд ирсэн байх.
5.2 Ачаа тээшний хязгаарлалт (20-30кг + гар тээш 7-10кг) мөрдөнө.
5.3 Power bank нь 100Wh-аас ихгүй байх.
5.4 Цаг агаар, техникийн саатал зэрэг шалтгаанаар нислэг саатах тохиолдолд нислэгийн компанийн нөхцөлийг дагана.
